«Ышаныч» тернәкләндерү үзәгендә ата-аналар көне узды

2024 елның 27 августы, сишәмбе

27 августта Яшел Үзән муниципаль районының «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгендә көндезге төркем хезмәткәрләре катнашында ачык ата-аналар көне узды.

Очрашу барышында ата-аналарны нәтиҗәле практикалар, балалар белән эшләүнең традицион булмаган формалары, яңа технологияләр белән таныштырдылар. Белгечләр һәм гаилә әгъзаларының тыгыз хезмәттәшлеге нәтиҗәсендә генә уңай нәтиҗәләргә ирешелүен билгеләп үттеләр.

Ачык әңгәмә барышында ата-аналар кызыксындырган сораулар буенча мәгълүмат алды.