«Астра» үзәгендә ата-аналар белән очрашу уздырдылар

2024 елның 28 августы, чәршәмбе

7 августта Алабуганың «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә ачык гаилә / ата-аналар көне узды. Чакырылган экспертлар арасында балалар поликлиникасы мөдире Дарина Кузнецова, клиент хезмәте җитәкчесе урынбасары Ольга Косинцева, халыкны эш белән тәэмин итү үзәге директоры Юлия Демина, 1 нче балалар сәнгать мәктәбе укытучысы Алена Артамонова.

Экспертлар күпбалалы гаиләләргә, шул исәптән инвалид балалар тәрбияләүче гаиләләргә дәүләт тарафыннан социаль, медицина, хокукый ярдәм чаралары турында сөйләделәр.

Түгәрәк өстәл барышында ата-аналар кызыксындырган сорауларын бирделәр, шулай ук борчыган сораулар буенча шәхси консультация алдылар.