Буада урнашкан “Гармония” халыкны социаль тәэмин итү комплекслы үзәгенең гаиләгә һәм балаларга социаль ярдәм бүлеге белгечләре “Каршылыкны җиңеп чыгу” клубы әгъзалары катнашында рәсем конкурсы уздырганнар. Бу конкурс наркотикларга каршы булу тематикасын чагылдырган.
Белгечләр сүзләренә караганда, әлеге бәйге балаларда наркотикларның зыяны турында фикерне ныгытырга, аларны сәламәт яшәү рәвешенә өндәргә ярдәм иткән.