«Кайгырту» социаль приютында шашка турниры оештырылды

2024 елның 18 июне, сишәмбе

Балаларның интеллектуаль үсеше өчен шартлар тудыру, шашка белән кызыксынуны арттыру максатыннан 17 июньдә Алексеевск районындагы «Кайгырту» балалар һәм яшүсмерләр өчен социаль приютында өлкән яшьтәге гражданнар һәм приют тәрбияләнүчеләре арасында шашка турниры узды.

Балалар интеллектуаль уенга җитди мөнәсәбәт, тиз реакция һәм юлларны исәпләү осталыгы белән сөендерделәр. Дулкынлануны җиңеп, һәр катнашучы җиңүгә омтылды.