Югары Ослан интернат-йортында яшәүчеләр компьютерда эшләү нигезләрен өйрәнә
Югары Ослан өлкәннәр һәм инвалидлар өчен интернат-йортында «Компьютер ликбезы» технологиясен гамәлгә ашыралар. Дәресләрне тәрбияче Ксения Хваткова үткәрә. Аның җитәкчелегендә социаль хезмәтләр алучылар компьютерда эшләү нигезләрен өйрәнәләр. Күпләрнең смартфоннары булганлыктан, аерым дәресләр гаджетларны өйрәнүгә багышлана. Тәрбияләнүчеләр фото һәм видео төшерәләр, туганнарына һәм танышларына җибәрәләр, скайп аша аралашалар.
Иң актив социаль хезмәтләр алучылар арасында Андрей Беляков һәм Рамил Кәлимуллин.
Ксения Хваткова сүзләренчә, мондый чаралар яшәүчеләрне социализацияләүгә ярдәм итә, аларның хәтерен һәм фикерләвен үстерә, әйләнә-тирә дөньяга кызыксынуны арттыра. Болар барысы да социаль хезмәтләр алучыларның тормыш сыйфатын яхшырта, аларның актив озын гомерләрен озайта.