«Астра» үзәгендә чираттагы ачык гаилә көне оештырдылар
Россия Президенты Владимир Путин игълан иткән Гаилә елы кысаларында айның һәр соңгы сишәмбесендә сәламәтлек мөмкинлекләре чикле балалар һәм яшүсмерләр өчен барлык тернәкләндерү үзәкләрендә һәм инвалидларны тернәкләндерү үзәкләрендә ачык гаилә / ата-аналар көннәре үткәрелә.
28 майда Алабуга районының «Астра» мөмкинлекләре чикле балалар һәм яшүсмерләр өчен тернәкләндерү үзәгендә үткәрелгән чараның чакырылган экспертлары булып районның социаль яклау бүлеге җитәкчесе Светлана Прохорова, Алабуга районында РФ Социаль фондының клиентлар хезмәте җитәкчесе Елена Глинская, Алабуга шәһәренең халыкны эш белән тәэмин итү үзәге директоры Юлия Демина, балалар поликлиникасының педиатрия бүлеге мөдире Лилия Зарипова, муниципаль районнарда балаларның ялын һәм сәламәтләнүен оештыру мәсьәләләре буенча белгеч Юлия Пивторонис чыгыш ясады.
Экспертлар күпбалалы гаиләләргә, шул исәптән инвалид балаларны тәрбияләүче гаиләләргә дәүләт тарафыннан социаль, медицина, хокукый ярдәм чаралары турында сөйләде. Түгәрәк өстәл барышында ата-аналар дәүләт структуралары вәкилләренә сорауларын бирделәр, шулай ук шәхси консультация ала алдылар.
Гаилә / ата-аналар көне «Бәхетле балачак» фоторамкасы ясау буенча мастер-класс һәм «Гаилә старты» спорт чарасы белән дәвам итте.