«Ышаныч» үзәгендә бию терапиясе актив кулланыла
Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлеге шәһәрнең төрле социаль, медицина, мәгариф учреждениеләре, шулай ук волонтерлык оешмалары белән актив хезмәттәшлек итә. Бу социаль хезмәтләр алучыларның күзаллауларын һәм коммуникатив статусын киңәйтергә, аларның тернәкләндерү дәрәҗәсен арттырырга мөмкинлек бирә.
Бүген волонтер Аделя Галимарданова җитәкчелегендә бию терапиясе дәресе узды. Бию дәресләре тәрбияләнүчеләрнең тормыш сыйфатына уңай йогынты ясый. Бию аларны стресстан коткара һәм уңай энергия белән тулыландырырга ярдәм итә. Яшьләр дәресләрдән соң аларның кәефе күтәрелә, киеренкелек һәм арыганлык кими дип билгелиләр. Моннан тыш, бию терапиясе вакытында матдәләр алмашы, йөрәк-кан тамырлары һәм сулыш системалары эше яхшыра, иммунитет арта.