Картлык шатлык китерсен өчен

2024 елның 9 апреле, сишәмбе

Азнакай районының «Өмет» халыкка социаль хезмәт күрсәтү комплекслы үзәгенең социаль-тернәкләндерү бүлегенә һәр заезд Гаилә елына багышланган «Картлык шатлык китерсен өчен» музыкаль-күңел ачу чарасы уздырыла.

Социаль хезмәтләр алучылар төрле уеннарда, мавыктыргыч викториналарда, күңелле эстафеталарда, музыкаль-әдәби конкурсларда катнашалар. Чара форматы социаль хезмәт алучыларга сәламәтлекне саклау һәм активлык серләре белән уртаклашырга мөмкинлек бирә.

Нормальләштерелгән психоэмоциональ халәт, яхшы кәеф гражданнарның сәламәтлегенә уңай йогынты ясый һәм тизрәк савыгуга ярдәм итә.