Алабуга интернат-йортында яшәүченең иҗади бенефисы

2024 елның 1 апреле, дүшәмбе

Алабуганың өлкәннәр һәм инвалидлар өчен интернат-йортында Любовь Павловна Малкованың иҗади бенефисы узды. Нәкъ 20 ел элек ул интернат-йортка килә һәм бу еллар эчендә коллективның аерылгысыз өлешенә әверелә.

Любовь Павловна талантлы, энергияле хатын-кыз, ул матур киемнәр ярата һәм мода белән кызыксына. Ул «Лейся, песня» ансамбленең актив катнашучысы булып тора, үзенең иҗаты белән тирә-юньдәгеләргә шатлык һәм илһам китерә.

Чарада шәхси архивтан балачак һәм яшүсмер чоры фотолары күрсәтелде, шулай ук социаль хезмәтләр алучының тормыш юлы тарихы яңгырады. Иҗади бенефис Любовь Павловна өчен истәлекле вакыйга, аның иҗатына һәм шәхесенә хөрмәт белән караган интернат-йортта яшәүчеләрнең барысы өчен дә искиткеч көн булды.