Кама Тамагы районында өлкән яшьтәге кешеләр үзләренең шәҗәрә агачын ясый
Гаилә елы кысаларында Кама Тамагы районының «Богородский рай» халыкка социаль хезмәт күрсәтү комплекслы үзәгенең өй бүлегендә «Минем гаиләм тарихы» дигән шәҗәрә агачы төзү буенча чара үткәрелде.
«Һәр гаиләнең үз тарихы бар. Ата-бабаларыңның кем икәнен, алар нәрсә эшләгәннәрен истә тоту бик мөһим. Кешеләр үз шәҗәрәләрен истә тотарга, хөрмәт итәргә һәм дәвам итәргә тиеш», – диләр «Богородский рай» үзәгендә.
Бер ай дәвамында социаль хезмәткәрләр социаль хезмәтләр алучылар белән бергә гаиләләренең шәҗәрә агачларын ясадылар. Шәҗәрә төзегәндә, алар тәрбияләнүчеләрнең гаиләләре турында күп яңа һәм кызыклы нәрсәләр белделәр. Иң яхшы иҗади эшләре 28 мартта күргәзмәдә тәкъдим ителде.
«Богородский рай» үзәгендә гаиләләр тарихы – ул ил тарихы, дип ышаналар, шуңа күрә безнең бурыч – үткән вакыйгаларны күргән өлкән яшьтәге кешеләр исән чакта хәтерне саклап калу.
