Бөтен гаиләсе белән кинотеатрга

2024 елның 28 марты, пәнҗешәмбе

Лаеш районында «Алтын көз» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре, «Kinolife» кинотеатры белән берлектә, Гаилә елы кысаларында социаль хезмәтләр алучылар өчен «Очучы корабль» фильм-әкиятен күрсәттеләр.

«Очучы корабль» фильмы тормышның тирән мәгънәсе һәм һәр кешедә яшеренгән чиксез мөмкинлекләр турында уйланырга мәҗбүр итә. Балалар һәм ата-аналар фильмны рәхәтләнеп карадылар, төп геройларның батырлыклары һәм гамәлләре турында фикер алыштылар, үз тәэсирләре һәм эмоцияләре белән уртаклаштылар.