Югары Ослан интернат-йортында яшәүчеләр кулинария күнекмәләрен камилләштерә
Югары Осланның өлкәннәр һәм инвалидлар өчен интернат-йортында яшәүчеләр хезмәт инструкторы Гөлчәчәк Карпова җитәкчелегендәге «Аш-су мәктәбе» түгәрәгендә коймак пешерделәр. Олы яшьтәге кешеләр үзләре камыр болгаттылар, үзләре коймак пешерделәр. Коймак пешергән арада, социаль хезмәтләр алучылар Май чабу белән бәйле төрле кызыклы очракларны, гореф-гадәтләрне искә төшерделәр. Бергәләп чәй эчкәндә барысы да хуш исле коймак белән сыйланды.
Гөлчәчәк Карпова сүзләренчә, «Аш-су мәктәбе» түгәрәгендә дәресләр интернат-йортта яшәүчеләр арасында бик популяр. Бу аларның үз-үзләренә хезмәт күрсәтү күнекмәләрен яхшырта, коллективта эшләргә өйрәтә, үз-үзләрен хөрмәт итүләрен арттыра.
Бу якшәмбе көнне социаль хезмәтләр алучылар бергәләп район чарасы кысаларында бәйрәмгә кушылачак.
.jpeg)