«Изгелек» тернәкләндерү үзәгендә әбиләр өчен конкурс чарасы оештырылды

2024 елның 6 марты, чәршәмбе

5 мартта Яр Чаллы шәһәренең «Изгелек» инвалидларны тернәкләндерү үзәгендә «Әйдәгез әле, әбиләр!» спорт-сәламәтләндерү чарасы узды. Чараның максаты – социаль хезмәтләр алучыларның актив ялын оештыру.

Катнашучылар ике командага бүленеп, конкурс программасында катнаштылар. Ул эстафета, табышмаклар, сораулар, шулай ук бию конкурсын үз эченә алды.

Чарада 15 кеше катнашты.

Конкурс программасы Россиядә Гаилә елы кысаларында оештырылды.