«Кайгырту» приютында тәрбияләнүчеләр Бөтендөнья ишетү көне уңаеннан оештырылган акциядә катнаштылар

2024 елның 5 марты, сишәмбе

Алексеевск районында «Кайгырту» балалар һәм яшүсмерләр өчен социаль приюты тәрбиячесе Ольга Данеева Бөтендөнья ишетү көненә багышланган флешмоб оештырды. Чарада мәктәпкәчә һәм башлангыч мәктәп яшендәге 12 тәрбияләнүче катнашты.

Чараның төп максаты – саңгыраулар һәм ишетүчеләр дөньясы арасындагы киртәләрне бетерү, балаларның игътибарын ишетү проблемалары булган кешеләрнең тормышына җәлеп итү. Шулай тәрбияләнүчеләрдә сәламәтлек мөмкинлекләре чикләнгән кешеләрнең сәламәт кешеләр кебек үк хокуклары барлыгын аңлау формалаша.