«Ышаныч» үзәге өлкәннәр өчен иҗади атна оештырды

Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең социаль хезмәт күрсәтү алучылары иҗади атнада катнаштылар. Социаль хезмәткәрләр белән бергә өлкән яшьтәге кешеләр туган телләрендә шигырьләр һәм әдәби әсәрләр укыдылар. Яраткан шигырьләрен искә төшерделәр һәм яңаларын өйрәнделәр.

Кыскача видеоөзекләрдә социаль хезмәтләр алучылар рус һәм татар телләренең никадәр матур булуы турында сөйләделәр. Бу кечкенә сюжетлар гаилә әгъзаларын сөендерәчәк һәм гаилә архивында истәлеккә калачак.

Олы яшьтәгеләр бик күп уңай эмоцияләр һәм файда алдылар: хәтер һәм игътибар үсеше, бернәрсә белән дә алыштыргысыз тере аралашу.