Министрлык 2023 елда халык алдында формалаштырылган бурычларны гамәлгә ашыру нәтиҗәләре турында хисап тотты
Бүген 2023 ел йомгаклары буенча Татарстан Республикасы Хезмәт, халыкны эш белән тәэмин итү һәм социаль яклау министрлыгының гавами формалаштырылган максатларын һәм бурычларын гамәлгә ашыру нәтиҗәләре буенча иҗтимагый фикер алышулар булды.
Искәртеп узабыз, экспертлар һәм Иҗтимагый совет әгъзалары тарафыннан 2023 елда тормышка ашыруга өстенлекле дип танылган биш максат исемлеге расланган иде:
1. Авыр тормыш хәлендә булган балалар өчен гаиләне саклау. Гаилә формасындагы балалар һәм яшүсмерләр өчен социаль приютлардан ким дигәндә 90 % балаларны чыгаруны тәэмин итү;
2. Эш эзләү максатыннан мәшгульлек хезмәте органнарына мөрәҗәгать иткән гражданнарның ким дигәндә 65 % эшкә урнаштыру;
3. Авыл җирендә яшәүче 65 яшьтән өлкәнрәк гражданнарның кимендә 20 % (кимендә 32 мең кеше) халыкка социаль хезмәт күрсәтү комплекслы үзәкләренең автотранспортында профилактик тикшерүләргә һәм диспансерлаштыруга медицина оешмаларына китерүне тәэмин итү;
4. Халыкны эш белән тәэмин итү үзәкләре тарафыннан һәр эшсез кешегә сайлау өчен ким дигәндә ике эш урыны тәкъдим итү;
5. Социаль хезмәт күрсәтү оешмаларында тернәкләндерү һәм абилитацияләү хезмәтләре күрсәтүне арттыру: инвалид балаларны 84 % тан 89 % ка кадәр, инвалидларны – 80 % тан 85 % ка кадәр.
2023 ел дәвамында максатларны тормышка ашыруга мониторинг үткәрелде, отчетлар Министрлык сайтында һәм «Дәүләт хакимияте башкарма органнарының максатларын һәм бурычларын гавами формалаштыру һәм аларның үтәлешен җәмәгать контролендә тоту» рәсми сайтында урнаштырылды. Бүген Министрлык йомгаклау нәтиҗәләре турында хисап тотты – максатлар тулысынча үтәлде.
1 февральдән 12 февральгә кадәр гавами максатларны гамәлгә ашыру турында отчет проекты Министрлык сайтында, Татарстан Республикасы Иҗтимагый палатасы сайтында һәм «Дәүләт хакимияте башкарма органнарының максатларын һәм бурычларын гавами формалаштыру һәм аларның үтәлешен җәмәгать контроле» сайтында (https://publictasks.tatarstan.ru/) урнаштырылды. Бу чорда Министрлык адресына отчет проекты буенча тәкъдимнәр һәм искәрмәләр килмәде.