Югары Ослан интернат-йорты ансамбле чираттагы тапкыр тамашачыларны сөендерде

2024 елның 20 феврале, сишәмбе

Ветераннар арасында үзешчән башкаручыларның «Балкыш» («Сияние») республика фестиваленең район этабында «Секрет» ансамбле уңышлы чыгыш ясады, анда Югары Ослан өлкәннәр һәм инвалидлар өчен интернат-йортында яшәүчеләр керә.

Коллектив берничә ел элек оештырылган. Солистлар арасында төрле яшьтәге кешеләр бар. Ансамбльдә катнашучыларның иң өлкәне – 92 яшьлек Лариса Отставнова. Социаль хезмәтләр алучылар белән «көмеш» волонтер, «Волжанка» ветераннар хоры җитәкчесе Миңлегөл Шәйдуллина шөгыльләнә.

«Секрет» ансамбле узган ел зур сәхнәдә чыгыш ясаган иде инде – инвалидлар декадасы кысаларында. Бу юлы район мәдәният йорты залы да музыкантларны бик җылы каршы алды.