Алабуга интернат-йортында туй гөрләде

2024 елның 19 феврале, дүшәмбе

Алабуганың өлкәннәр һәм инвалидлар өчен интернат-йортында туй узды – ике ялгыз йөрәк Инна белән Дмитрий бер-берсен табышты һәм үзләрен никах җепләре белән бәйләде.

Инна һәм Дмитрий – үзешчән сәнгать эшчәнлегендә актив катнашучылар. Интернат-йортта узган Яңа ел чарасында алар дуэт итеп җыр башкардылар. Нәкъ менә шул вакытта, Инна һәм Дмитрий сүзләреннән, алар гашыйк булуларын аңлаганнар.

Никахлашу тантанасы 16 февральдә узды. Тантананы оештыруда интернат-йортның барлык хезмәткәрләре һәм учреждение директоры Камил Шәйхразиев, чәчтараш һәм стилист Яна Макарова һәм Гүзәлия Гариева, Юлия Кмин, «Pomodoro» пиццериясе һ. б. ярдәм итте.