Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

«Ышаныч» үзәгендә Интернетта үз-үзеңне тоту кагыйдәләре турында сөйләштеләр

2024 елның 13 феврале, сишәмбе

Халыкара куркынычсыз Интернет көне кысаларында Яшел Үзәндә «Ышаныч» мөмкинлекләре чикле балалар һәм яшүсмерләр өчен тернәкләндерү үзәгенең стационар төркеме тәрбияләнүчеләре белән тематик әңгәмә үткәрделәр. Чараның максаты – Интернет киңлегендә балаларның грамоталы һәм куркынычсыз тәртип күнекмәләрен формалаштыру.

Балалар белән Интернетның бүгенге кешенең тормышын ничек үзгәртүе, Интернетта нинди куркынычлар булуы һәм алардан ничек сакланырга кирәклеге турында фикер алыштылар. Виртуаль тормышка бәйлелекне кисәтү турында да сөйләштеләр.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Министр Эльмира Зарипованың Әниләр көне белән котлавы

Менә инде чирек гасырдан артык ноябрьнең соңгы якшәмбесендә Россиядә Әниләр көне билгеләп үтелә. Бу бәйрәм хатын-кызның мактаулы хезмәтен данлый, ана булуның социаль әһәмиятен арттыра.

Түбән Каманың «Шәфкать» үзәгендә «Яңа офыклар» проектын гамәлгә ашыру тәмамланды

Түбән Кама районының «Шәфкать» халыкка социаль хезмәт күрсәтү комплекслы үзәгендә Авыр тормыш хәлендә калган балаларга ярдәм фонды гранты акчаларына «Өйдә микротернәкләндерү үзәге» социаль хезмәтен булдыру буенча «Яңа офыклар» проектын гамәлгә ашыру төгәлләнде.

Татарстан Республикасы ветераннары халыкара элемтәләрне ныгыта

Татарстан Республикасы белән Үзбәкстан Республикасының Бохара өлкәсе арасында хезмәттәшлек һәм Рөстәм Миңнехановның 2024 елның 26 июлендә Бохара өлкәсе хакиме Батыр Зарипов белән очрашуында ирешелгән килешүләр кысаларында, шулай ук тугандаш халыкларның ветеран оешмалары арасында хезмәттәшлек һәм Бөек Ватан сугышында Җиңүнең 80 еллыгын бәйрәм итү максатларында Татарстан Республикасы Хезмәт, халыкны эш белән тәэмин итү һәм социаль яклау министрлыгы ветераннарның Үзбәкстанга сәфәрен оештырды.

Министрлык карамагындагы учреждениеләрдә Әниләр көнен билгеләп үтәләр

Чаралар Татарстанның барлык халыкка социаль хезмәт күрсәтү учреждениеләрендә уза. Анда концертлар, кызыклы очрашулар, ярдәм акцияләре, мастер-класслар, балалар һәм әниләрнең уртак дәресләре, уен программалары һәм башкалар үткәрелә.

ЯҢАЛЫКЛАРГА ЯЗЫЛУ