«Изгелек» үзәгендә Интернетта куркынычсызлык кагыйдәләрен кабатладылар

2024 елның 12 феврале, дүшәмбе

12 февральдә Яр Чаллы шәһәренең «Изгелек» инвалидларны тернәкләндерү үзәгенең социаль хезмәтләр алучылары «Безнең куркынычсыз Интернет» мәгълүмати-уен сәгатендә катнаштылар.

Катнашучылар Интернет куллануда потенциаль куркынычлар, алардан саклану юллары, интернет-бәйлелек проблемасы, социаль челтәрләрдә үз-үзеңне тоту кагыйдәләре турында белделәр. Шулай ук тернәкләнүчеләргә үз компьютерларын вируслардан ничек сакларга, мошенниклардан ничек сакланырга кирәклеге турында сөйләделәр. Чара тематик видеоролик карау белән тәмамланды.

Очрашуда 20 кеше катнашты.