Алабуга интернат-йортында яшәүчеләр компьютер кулланырга өйрәнә
Алабуганың өлкәннәр һәм инвалидлар өчен интернат-йортында «Мобиль укыту» интернет-проекты дәвам итә. Бүген аңа яңа катнашучы – Любовь Малкова кушылды. Аны интернат-йортта һәм шәһәрнең башка социаль учреждениеләрендә яхшы беләләр. Любовь Малкова бик актив һәм энергияле кеше, даими рәвештә чараларда катнаша, җырларга ярата. Шуңа күрә аның да компьютер һәм Интернет кулланырга өйрәнергә теләгәненә гаҗәпләнәсе юк.
Кереш дәрес компьютер белән беренче танышуга багышланган иде. Компьютер, система блогы, монитор, клавиатураның нәрсә икәнен, компьютерны ничек кабызырга һәм сүндерергә икәнен өйрәнүдән башладылар. Куркынычсыз куллану кагыйдәләре турында да сөйләштеләр. Любовь Малкова тиешле кушымтада рәсем ясарга тырышты.
Киләсе дәрестә текст редакторы белән танышырга планлаштыралар.