Әлмәттә социаль тармак һәм балалар бакчаларының хезмәттәшлеге турында фикер алыштылар
30 гыйнварда 56 нчы «Крепыш» балалар бакчасы базасында «Опека» халыкка социаль хезмәт күрсәтү комплекслы үзәге директоры Юлия Шәфигуллина һәм Әлмәт районы балалар бакчалары мөдирләре «Гаиләгә һәм балаларга социаль ярдәм бүлеге эшчәнлеге, балалар бакчаларының үзәк белгечләре белән үзара бәйләнеше турында» дигән темага киңәшмәдә катнаштылар.
Юлия Шәфигуллина гаиләгә һәм балаларга социаль ярдәм бүлеге эшчәнлеге, профилактика системасы субъектлары тарафыннан социаль куркыныч хәлдә булган гаиләләрне һәм балаларны ведомствоара патронажы турында сөйләде. Шулай ук индивидуаль тернәкләндерү программалары һәм мәктәпкәчә белем бирү учреждениеләре белән үзара хезмәттәшлек мәсьәләләре дә күтәрелде.
«Әлеге категориядәге гаиләләр белән нәтиҗәле эшләү өчен һәрьяклап мәгълүмат җыю, гаилә кризисы үсешен бәяләү, шулай ук кирәкле ярдәмнең характерын һәм күләмен һәм гаиләне комплекслы тернәкләндерү шартларын билгеләү, аларны вакытында төзәтү кирәк», – дип йомгаклады Юлия Шәфигуллина.