Алабуга интернат-йорты Гаилә елы чараларына кушылды

2024 елның 30 гыйнвары, сишәмбе

2024 ел Президент Владимир Путин Указы белән Россиядә Гаилә елы дип игълан ителде. Алабуганың өлкәннәр һәм инвалидлар өчен интернат-йортында да тематик чаралар үткәрелә башлады. Шулай итеп, чаралар циклын концерт ачып җибәрде. Анда гаилә парлары – «Нечкәбил» ана һәм гаилә матурлыгы республика конкурсында катнашучылар чыгыш ясады.

Сәхнәдә Хәбибуллиннар, Һадиуллиннар һәм Зинатуллин–Вәлиевлар чыгыш ясады. Гаиләләр татар һәм рус телләрендә җырлар башкардылар. Социаль хезмәтләр алучыларга чыгышлар бик ошады.