Зәй районы укучылары хәрби-патриотик чарада катнаштылар

2024 елның 29 гыйнвары, дүшәмбе

Зәй районының «Шатлык» халыкка социаль хезмәт күрсәтү комплекслы үзәгендә урта гомуми белем бирү мәктәпләре укучылары өчен «Син нык тордың, бөек Ленинград!» дигән хәрби-патриотик чара уздырдылар.

Чарада катнашырга «Сугышчан туганлык» Бөтенроссия ветераннар иҗтимагый оешмасының Зәй бүлекчәсе, «Гвардия» хәрби-эзләү отряды, балигъ булмаганнар эшләре буенча бүлекчә вәкилләре чакырылды.

Мәктәп укучылары илебез тарихының фаҗигале бите – Ленинград блокадасы турында белделәр. Алар «Блокададагы Ленинград» видеоролигын карадылар, «Блокада икмәге» экспозициясе белән таныштылар.