«Яңарыш» тернәкләндерү үзәгендә китап уку буенча марафон уздырдылар

2024 елның 26 гыйнвары, җомга

Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Бөтен гаилә белән китап киштәсе янында» марафоны уздырдылар.

Атна дәвамында ата-аналар балалары белән бергә китап укыды һәм укыган китаплары белән алмашынды. Бергәләп уку – гаиләне ныгытуның эффектив ысулы. Мондый традицияләр рухи аралашуга һәм үзара аңлашуга ярдәм итә, шулай ук балага үзен яраткан итеп хис итәргә мөмкинлек бирә.