Алабуга интернат-йортында өлкәннәрнең яңа мәшгульлек төрләре
Еш кына рәсем аша үз хисләреңне белдерү, иҗади сәләтләреңне ачу җиңелрәк. Шуңа күрә Алабуга өлкәннәр һәм инвалидлар өчен интернат-йортында төрле арт-терапевтик методикалар актив кулланыла.
Аларның берсе – мандалотерапия. Бу үзеңә чуму һәм эчке дөнья белән тоташу өчен искиткеч мөмкинлек. Мондый мавыктыргыч терапия рәсем ярдәмендә үз-үзеңне танып белүдән шатлык кичерергә, проблеманы күрергә, аны хәл итү өчен ресурслар табарга, җан тынычлыгын торгызырга ярдәм итә.
Быел интернат-йортта шулай ук ярма терапиясе кертелә башлады. Бу ярманың төрле төрләре белән эшләүнең традицион булмаган формасы, ул организмның тормыш эшчәнлеге бозылган процессларын нормальләштерүгә юнәлдерелгән. Ул вак моторика, тактиль сизгерлек, игътибар, хәтер, күзаллау, иҗади сәләтләр үсешенә ярдәм итә, шулай ук өлкән яшьтәге кешеләрнең эмоциональ-ихтыяр өлкәсен үстерә.
Олы яшьтәгеләр бигрәк тә төрле картиналар ясарга яраталар.