Бүген «Россия» күргәзмәсендә бөтенроссия гаилә учагын кабызачаклар
23 гыйнварда «Туганнарыбыз – Яратканнарыбыз» форумы кысаларында «Россия» Халыкара күргәзмә-форумының төп сәхнәсендә «Россия йөрәге» гаилә учагы кабызылачак.
«Туганнарыбыз – Яратканнарыбыз» Бөтенроссия гаилә форумы Россиядә Президент Владимир Путин Указы нигезендә игълан ителгән Гаилә елын ачты. Форум кысаларындагы вакыйгалар бөтен илдән династияләрне берләштерүгә, буыннар диалогына һәм балалар һәм өлкәннәрнең бергә иҗат итүенә юнәлдерелгән.
«Россия йөрәге» – йөрәк формасындагы инсталляция, аның каршысында гаилә учагын кабызачаклар. Тантанада илнең барлык төбәкләреннән гаилә династияләре, МХОдә катнашучыларның гаиләләре, төбәкләр үсешенә аерым өлеш керткән икътисадның һәм социаль өлкәнең төп тармаклары вәкилләре катнашачак.
Мәскәүгә Муромадагы Изге Троица монастыреннан утлы лампаны Терентьевлар гаиләсе алып киләчәк. Михаил һәм Екатерина Терентьевлар 25 ел никахта һәм алты бала тәрбиялиләр.
Гаилә учагыннан тагын 12 лампада ут кабызылачак, аларны династияләр Мәскәүгә, Кырым Республикасына, Якутиягә, Кузбасска, ЯНАО, Татарстан Республикасына, Төньяк Осетия-Алания Республикасына, Волгоград өлкәсенә, Коми Республикасына, ДХР, ЛХР, Запорожье һәм Херсон өлкәләренә алып кайтачак. Аннары гаилә учагы утын илнең барлык төбәкләренә таратачаклар.