«Шәфкать» үзәгендә тернәкләнүчеләрнең әти-әниләренә консультация хезмәте күрсәттеләр

2024 елның 19 гыйнвары, җомга

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә комплекслы тернәкләндерү буенча белгеч Фирүзә Яриева ата-аналар өчен консультация үткәрде. Сәламәтлек мөмкинлекләре чикләнгән балаларның танып белү процессын төзәтүдә баш мие стимуляциясе ысулын куллану турында сөйләштеләр.

Ата-аналар сенсор интеграциясенең нәрсә икәнен һәм аның баланың үсешенә ничек тәэсир итүен белделәр. Шулай ук катнашучыларга баланың уңышлы үсеше өчен нәрсә эшләргә кирәклеге турында сөйләделәр.