Хатирәләр терапиясе өлкәннәр белән эшләүдә нәтиҗәлелеген күрсәтә

2024 елның 11 гыйнвары, пәнҗешәмбе

Россия Президенты Владимир Путин инициативасы белән кертелгән «Демография» милли проектының «Өлкән буын» федераль проекты кысаларында Югары Ослан районының «Өмет утравы» халыкка социаль хезмәт күрсәтү комплекслы үзәгенең социаль хезмәткәрләре үз эшләрендә «Хатирәләр терапиясе» технологиясен куллануны дәвам итәләр.

Белгечләр әйтүенчә, хатирәләр өлкәннәрнең яңа социаль рольләрен актуальләштерә, үз-үзеңне югары дәрәҗәдә бәяләүне саклый һәм өлкән яшьтә яшәү мәгънәсен эзләүдә ярдәм итә ала. Үткәннәр турында сөйләшүләр, архив фотоларын һәм иске кинофильмнарны карау, яшьлек турында сөйләшүләр – болар барысы да депрессиядән дәвалау ысулы булып хезмәт итә.