«Кайгырту» приютындагы балалар IT-паркта булып кайттылар

2023 елның 27 декабре, чәршәмбе

Алексеевск районының «Кайгырту» балалар һәм яшүсмерләр өчен социаль приютында тәрбияләнүчеләр Казанның IT-паркында булдылар. Экскурсия ТР Хисап палатасы рәисе Алексей Демидов һәм аның командасы, шулай ук IT-парк генераль директоры Руслан Власов ярдәмендә оештырылды.

Балаларга мавыктыргыч мастер-класслар, уеннар, конкурслар тәкъдим иттеләр. Шулай ук яшь кунакларны сыйлар һәм Яңа ел бүләкләре белән сөендерделәр. Оештыручыларга рәхмәт йөзеннән балалар «Күбәләк» биюен, үзләре иҗат иткән шигырьләр һәм үз куллары белән ясалган бүләк әзерләделәр.