Югары Ослан интернат-йортында яшәүчеләр заманча технологияләрне үзләштерә
Югары Ослан өлкәннәр һәм инвалидлар өчен интернат-йортында социаль хезмәтләр алучылар заманча технологияләрне үзләштерә. Күпләр компьютер түгәрәгенә йөри, анда учреждение белгечләре җитәкчелегендә ноутбук һәм төрле җайланмалардан файдалану нигезләрен үзләштерәләр.
Күпчелек кешеләр Интернеттан үзләре файдалана белә, еш кына дуслары һәм туганнары белән видеоэлемтә аша аралашалар, интернет-кибетләрдән заказлар ясыйлар, шулай ук ризыклар әзерләргә өйрәнәләр.
Компьютер түгәрәгенә хәтта интернат-йортның иң өлкән кешеләре дә йөри. Мәсәлән, 92 яшьлек тыл хезмәчәне Лариса Отставнова Интернетта яңа салатлар рецептларын эзләү белән мавыга. Аннары, хезмәт инструкторы Наталья Котова җитәкчелегендә, ул һәм башка социаль хезмәт алучылар бу рецептларны аш-су мәктәбендә ясап карыйлар.
Заманча технологияләр социаль хезмәтләр алучыларның күзаллауларын киңәйтә, хәтер һәм танып белү күнекмәләрен үстерә.