«Чишмә» социаль хезмәт күрсәтү үзәге өлкәннәр өчен бармак гимнастикасын актив үткәрә

2023 елның 1 ноябре, чәршәмбе

Тернәкләндерү чаралары кысаларында Теләче районындагы «Чишмә» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге тарафыннан «Бармак гимнастикасы» технологиясе буенча эш алып барыла. Бу технология – кулларның, бармакларның хәрәкәтчәнлеген саклап калу һәм яхшырту өчен яхшы мөмкинлек.

Социаль хезмәтләр алучылар социаль хезмәткәрләр белән бергә күнегүләрне рәхәтләнеп башкаралар. Эш барышында түбәндәге шөгыльләр кулланыла: әвәләү, рәсем ясау, массаж тубы белән бармак гимнастикасы, пазллар җыю. Технология ярдәмендә өлкән яшьтәге гражданнарда фикерләү, хәтер, сөйләм яхшыра. Дәресләрдән соң катнашучыларның кәефләре, гомуми хәле яхшы якка үзгәрә.