Спас интернат-йортында җиләк-җимеш бакчасы булдырдылар

2023 елның 19 октябре, пәнҗешәмбе

Спас өлкәннәр һәм инвалидлар өчен интернат-йорты хезмәткәрләре һәм социаль хезмәтләр алучылар җиләк-җимеш агачлары утырттылар.

Аларны утырту яз көне үк планлаштырылган иде. Хәйриячеләр ярдәме белән учреждениедә биш сортлы алма, чия, слива, карлыган һәм малина үсентеләре сатып алынды. Калган барлык утырту эшләре интернат-йортта яшәүчеләр көче белән башкарылды.

Учреждение белгечләре билгеләп үткәнчә, социаль хезмәтләр алучыларны участокны яшелләндерүгә һәм төзекләндерүгә җәлеп итү аларның эмоциональ халәтенә уңай йогынты ясый.