«Опека» үзәгендә Йөкле хатын-кызлар көнен билгеләп үттеләр

2023 елның 19 октябре, пәнҗешәмбе

18 октябрьдә Әлмәт муниципаль районының «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлегендә беренче тапкыр Йөкле хатын-кызлар көне билгеләп үтелде.

Чарага бала көткән социаль хезмәт алучыларны чакырдылар. Шулай ук төрле ведомство вәкилләре һәм күпбалалы әниләр катнашты.

Йөкле хатын-кызларга түләүләр һәм пособиеләр мәсьәләләре буенча консультацияләр бирелде, аларга йөклелек вакытында төрле авыруларны профилактикалау турында сөйләделәр.

Бәхетле күпбалалы аналарның хикәяләре очрашуның күңелле бер мизгеле булды.