«Апрель» үзәгендә вакытлыча тору төркеме өчен чыгарылыш кичәсе узды
Казанда «Апрель» мөмкинлекләре чикле балалар һәм яшүсмерләр өчен тернәкләндерү үзәгендә вакытлыча тору төркеме өчен чыгарылыш кичәсе булды.
Чара әйлән-бәйләннәрдән, уеннардан торды. Аларда теләгән һәркем катнаша алды. Ата-аналар үз балаларына ярдәм итеп, конкурсларга һәм викториналарга актив кушылдылар. Бу үзара аңлашу һәм ярдәмчеллек атмосферасын булдыруның искиткеч ысулы булды.
Ахырда ата-аналар клубы утырышы узды. Видео нигезендә ата-аналар һәр баланың алгарышын күреп, педагоглар һәм башка ата-аналар белән фикер алыша алдылар. Һәр гаилә балаларының «Апрель» үзәгеннән сыйфатлы ярдәм алуларына тагын бер кат инана алды.
Кечкенә чыгарылыш сыйныф укучылары 6 ай дәвамында балалар бакчасына әзерлек төркеменә йөрделәр, һәм бүген алар үсешләренең киләсе этабын башларга әзер.