Беркемне дә игътибарсыз калдырмадылар

2023 елның 11 октябре, чәршәмбе

Минзәлә районы авыл җирлекләрендә өлкән буын вәкилләре өчен Әбиләр һәм бабайлар көненә багышланган бәйрәмнәр узды. Чараларны авыл клублары вәкилләре, ансамбльләрдә катнашучылар, китапханә хезмәткәрләре, социаль хезмәткәрләр һәм «көмеш» волонтерлар әзерләде һәм үткәрде.

Өлкән яшьтәге авыл гражданнарына, шул исәптән социаль хезмәтләр алучыларга, концерт программасы, театральләштерелгән тамаша һәм чәй табыны тәкъдим ителде. Барысы бергә яшьлек җырларын җырладылар, биеделәр һәм кызыклы конкурсларда катнаштылар. Сәламәтлеге аркасында бәйрәмгә килә алмаган кешеләргә өйләрендә бүләкләр тапшырдылар.