Югары Ослан районының 1 016 өлкән яшьтәге авыл кешесе «Өлкән буын» проекты кысаларында сәламәтлеген тикшертте
Югары Ослан муниципаль районының «Өмет утравы» халыкка социаль хезмәт күрсәтү комплекслы үзәгендә махсус автотранспортта авыл җирлегендә яшәүче 65 яшьтән өлкәнрәк кешеләрне диспансерлаштыру өчен медицина оешмаларына китерү эше дәвам итә. Эш «Демография» милли проектының «Өлкән буын» төбәк проекты кысаларында алып барыла һәм өлкән яшьтәге гражданнарның тормыш сыйфатын күтәрүгә һәм гомер озынлыгын арттыруга юнәлдерелгән.
Диспансерлаштыруның төп өстенлекләренең берсе – авыруларны иртә стадияләрдә ачыклау мөмкинлеге, бу дәвалауны вакытында башларга мөмкинлек бирә. Бу тулысынча савыгу яки сәламәтлекнең шактый яхшыру ихтималын арттыра. Моннан тыш, диспансерлаштыру йөрәк-кан тамырлары һәм онкология авырулары һәм диабет кебек иң куркыныч авырулар үсешен булдырмаска ярдәм итә.
Бүгенге көндә Югары Ослан районы медицина оешмаларына 1 016 кеше китерелгән, шуларның 554 диспансерлаштыруга.