«Ышаныч» үзәгенең көндезге тору бүлеге сәнгать белән танышуын дәвам итә

2023 елның 29 сентябре, җомга

Яр Чаллының «Ышаныч» халыкка социаль хезмәт күрсәтү комплекслы үзәгенең көндезге тору бүлегенә йөрүчеләр Г. М. Хәкимова исемендәге картиналар галереясендә, 1 нче балалар сәнгать мәктәбенең 50 еллыгына багышланган юбилей күргәзмәсендә булдылар. Рәсем остасы Марат Мингалиев кунакларга бу мәктәптә белем алучы яшь рәссамнарның эшләре турында сөйләде. Мәктәп тәрбияләнүчеләре – халыкара, төбәк, шәһәр һәм мәктәп конкурслары һәм күргәзмәләре лауреатлары һәм дипломантлары.

Шулай ук Марат Мингалиев социаль хезмәтләр алучылар өчен рәсем ясау буенча мастер-класс үткәрде.