«Кама таңнары» приютында балалар өчен туку остаханәсе булдыру проекты гамәлгә ашырыла
Менделеевск муниципаль районында «Кама таңнары» балалар һәм яшүсмерләр өчен социаль приюты мәйданчыгында «АК БАРС СОЗИДАНИЕ» Хәйрия фонды проекты гамәлгә ашырыла башлады, ул Президент грантлары фонды конкурсында җиңүче булды. Приют тәрбияләнүчеләре өчен туку остаханәсе булдыру проекты авыр тормыш хәлендә калган балигъ булмаган балаларны социаль адаптацияләүгә, балаларның талантларын үстерү һәм эшкә җәлеп итү аша рухи-әхлакый тәрбиягә ярдәм итүгә юнәлдерелгән.
Бу этапта туку остаханәсе өчен җиһазлар һәм материаллар сатып алынган. Приют педагоглары туку технологияләре буенча белем алалар. Приютта тәрбияләнүчеләр өчен өйрәнелә торган курсларга кертү буенча дәресләр үткәрелә.
Остаханәдә дәресләр балаларны практикада туку техникасы белән таныштырырга, туку белән кызыксынуны үстерергә, балаларда осталык нигезләрен генә түгел, ә коммуникатив күнекмәләрне дә формалаштырырга мөмкинлек бирәчәк.