«Ышаныч» үзәге хезмәтләрен алучыны Машина төзүчеләр көне белән котладылар
Яр Чаллы шәһәренең «Ышаныч» халыкка социаль хезмәт күрсәтү комплекслы үзәгендә социаль хезмәтләр алучы Галина Семеновна өчен Машина төзүчеләр көне – төп бәйрәмнәрнең берсе.
1974 елда, конвейердан беренче йөк машинасы төшкәч, заводка квалификацияле кадрлар кирәк була. Галина Семеновнаның ире Валерий Иосифович, дипломы булган электрик, күченү турында бер секунд та уйлап тормый. Шулай итеп язмыш яшь гаиләне Чаллыга алып килә. Шәһәрдә беренче ике елын Галина Семеновна улына һәм балалар бакчасында эшләүгә багышлый, әмма автогигантның бер өлеше булу мөмкинлеге килеп чыгу белән, ул автозаводта эшли башлый.
Күпьеллык хезмәте һәм намуслы эше өчен Галина Семеновна рәхмәт хатлары һәм мактау грамоталары белән билгеләнә.
2023 ел башыннан «Демография» милли проектының «Өлкән буын» федераль проекты чараларын гамәлгә ашыру кысаларында «Ышаныч» үзәге «Җәүһәр» вокаль ансамбле белән берлектә «Синең өчен җырлыйм!» проектын тормышка ашыралар. Машина төзүчеләр көне тагын бер тапкыр Галина Семеновнаны һөнәри бәйрәме белән котларга, шәһәр алдындагы казанышлары өчен рәхмәт әйтергә, ныклы сәламәтлек теләргә яхшы сәбәп булды.