Зәйдә Өченче яшь университетында яңа уку елы башланды
«Демография» милли проектының өлкән яшьтәге гражданнарны һәм инвалидларны озак вакыт карау системасын булдыру буенча пилот проектын гамәлгә ашыру кысаларында Зәй районында «Шатлык» халыкка социаль хезмәт күрсәтү комплекслы үзәге каршында актив пенсионерлар өчен «Пульс» клубы эшли, анда җәйге каникуллардан соң Өченче яшь университетының чираттагы уку елы башланды.
Киләсе сезонда күп кенә чаралар планлаштырылган: сәламәтләндерү гимнастикасы, Стрельникованың сулыш гимнастикасы, күз гимнастикасы курслары, белем бирү һәм ял итү чаралары, кызыклы кешеләр белән очрашулар. «Шатлык» социаль ярдәм үзәгендә көзге һәм язгы тернәкләндерү курслары һичшиксез булачак. Киләсе уку елында эшчәнлекнең яңа юнәлеше – хор белән җырлау.
Катнашучылар өчен клуб – ул икенче гаилә. Монда фикердәшләр җыелган, алар өчен пенсиягә чыгу яңа мөмкинлекләргә баскыч булып тора.