«Кайгырту» приютында көзге татар бәйрәмен билгеләп үттеләр
Татарстанда Милли мәдәниятләр һәм гореф-гадәтләр елы кысаларында 22 сентябрьдә Алексеевск районының «Кайгырту» балалар һәм яшүсмерләр өчен социаль приютында «Көзге көн белән төн тигезлеге көне» дигән чара узды. Аның максаты – балаларның татар халкының гореф-гадәтләре турында күзаллауларын киңәйтү.
Дәрес үткәнгә мавыктыргыч сәяхәт белән башланды, анда тәрбияләнүчеләр татар халкының борынгы бәйрәмнәренең берсе – Сөмбелә (Уңыш бәйрәме) барлыкка килү тарихы турында белделәр. Тәрбиячеләр Виктор Лифанов һәм Марина Анисимова балаларга әлеге бәйрәмнең көзге көн белән төн тигезләшкән көнне билгеләп үтелүе турында сөйләделәр. Чара атмосферасына чуму өчен, балаларга анда актив катнашырга тәкъдим ителде. Милли костюмнарда тәрбияләнүчеләрнең барысы да уен биремнәрен үтәделәр, җырлар җырладылар, көз турында табышмаклар чиштеләр, төрле конкурсларда үзләренең иҗади сәләтләрен һәм фантазияләрен күрсәттеләр.
Дәрес ахырында балалар үзләренең шатлыклы хисләре һәм татар бәйрәмендә алган тәэсирләре белән уртаклаштылар.