Югары Ослан интернат-йортында яшәүчеләр ярма терапиясе белән шөгыльләнәләр
Югары Ослан өлкәннәр һәм инвалидлар өчен интернат-йортында ярма терапиясе буенча мастер-класс үткәрделәр. Көзге тема сайладылар – төрле ярмалардан гөмбә ясарга булдылар. «Иҗат шатлыгы» түгәрәгендә катнашучылар гөмбәнең кирәкле төсен һәм текстурасын җиткерергә тырышып, фасоль, дөге, борчак ярмаларын тезделәр. Бу аларның бик яхшы килеп чыкты. Кайберәүләр композицияне кечкенә гөмбәләр белән дә тулыландырдылар. Иҗади эш нәтиҗәләреннән барысы да канәгать калды.
Дәрес барышында интернат-йортта яшәүчеләр үз вакытында нинди гөмбә җыюлары турында сөйләделәр, аларны әзерләү рецептлары белән уртаклаштылар.
«Ярма терапиясе – кулларның вак моторикасын үстерүнең нәтиҗәле ысулларының берсе, ул шулай ук сөйләмне һәм хәтерне саклауга ярдәм итә», – ди Наталья Котова. Рельефлы, төрле төрдәге ярмалар белән эшләү вак әйберләрне тоту сәләтен сакларга ярдәм итә, бу социаль-көнкүреш күнекмәләрен торгызуда һәм саклауда бик мөһим. Моннан тыш, кул эшләре ясауның мондый гадәти булмаган ысулы иҗатка кызыксынуны стимуллаштыра.