Минзәләдә көндезге тору төркеме даруханәдә булып кайтты
Минзәлә районының халыкка социаль хезмәт күрсәтү комплекслы үзәге белгечләре көндезге тору төркеменә йөрүче социаль хезмәтләр алучылар өчен даруханә пунктына баруны оештырдылар. Чараның максаты –мөстәкыйльлекне һәм көндәлек тормышта адаптацияне үстерү.
Белгечләр шәһәрнең социаль әһәмиятле объектлары, аларның билгеләнеше, медикаментлар белән дөрес эшләмәүнең мөмкин булган нәтиҗәләре белән таныштыруны дәвам итә.
Даруханәгә барыр алдыннан белгечләр социаль хезмәтләр алучылар белән даруханә, җәмәгать урыннарында үз-үзеңне тоту кагыйдәләре турында алдан фикер алыштылар. Юлда урам исемнәренә, йорт номерларына, биналарга һәм әйләнә-тирәдәге әйберләргә игътибар иттеләр.
Даруханәдә яшь инвалидлар фармацевтның эшен күзәттеләр, рецептның нәрсә икәнен, аның кемгә һәм кем белән бирелгәнен белделәр. Кунаклар үзләре дә әйбер сатып алып карадылар.