Биектау районында булачак әниләр депрессияне профилактикалау ысулларын үзләштерделәр
«Яңа туган баласын кабул итүдә шикләнелгән хатын-кызларга социаль ярдәм күрсәтүне оештыру буенча ведомствоара хезмәттәшлек» технологиясен гамәлгә ашыру кысаларында Биектау муниципаль районында «Өмет» халыкка социаль хезмәт күрсәтү комплекслы үзәге психологы «Йөкле хатын-кызларга психологик ярдәм күрсәтү: ана булудан баш тарту турында карарларны профилактикалау, аңлы ата-ана позициясен формалаштыру» программасы буенча төркемле дәрес үткәрде. Чарада биш хатын-кыз катнашты.
Бала тудырганнан соң була торган депрессияне профилактикалау ысуллары турында сөйләштеләр. Дәреснең кереш өлеше «Джейкобсон буенча мускуллар релаксациясе» әңгәмәсе белән тәкъдим ителде һәм нерв системасының дулкынлануын бетерүгә юнәлдерелгән иде. Төп өлештә йөклелек чорында бала һәм ана өчен оптималь үсеш мохите булдырылды. Булачак әниләр арт-терапия, әкият терапиясе, музыка терапиясе ысуллары ярдәмендә бала белән психорелаксацион үзара бәйләнеш формалаштырдылар.
Төркемле эш режимында катнашучылар шәхеснең психологик ресурсларын һәм үз-үзләрен анализладылар, бала тудырганнан соң була торган депрессияне профилактикалау ысуллары белән таныштылар. Бу чара булачак әниләрнең психологик адаптациясен арттырды.
Ахырда катнашучылар хәйриячеләрдән бүләкләр алдылар.