Өлкән яшьтәге балтачлыларга террорчылыкка каршы тематикага буклетлар тапшырылды

2023 елның 15 сентябре, җомга

«Экстремизмга – юк!» ункөнлеге кысаларында Балтач районы «Наз» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлегендә социаль хезмәт алучылар белән әңгәмәләр үткәрделәр, шулай ук видеороликлар карау оештырдылар.

Чутай һәм Нуринер авылларыннан социаль хезмәткәрләр мәдәният хезмәткәрләре белән берлектә «Экстремизм – хәзерге заман проблемасы» дигән темага әңгәмә үткәрделәр. Өлкән яшьтәге гражданнар белән бергә куркынычсыз тәртип кагыйдәләрен төзеделәр. Шулай ук өлкәннәргә буклетлар тапшырылды.