Яшь минзәләлеләр флорист эшенең нечкәлекләре турында белделәр

2023 елның 8 сентябре, җомга

Балигъ булмаганнарга һөнәри юнәлеш бирү буенча «Һөнәр сайлау матрицасы» эш программасын тормышка ашыру кысаларында Минзәлә районындагы халыкка социаль хезмәт күрсәтү комплекслы үзәге хезмәтләрен алучылар өчен чәчәк кибетенә экскурсия оештырдылар.

«List'ok» кибете хуҗабикәсе Юлия балаларны шатланып каршы алды. Ул кунакларны флорист һөнәре белән таныштырды, чәчәкләр турында күп кызыклы нәрсәләр сөйләде, чәчәк композицияләрен төзү серләре белән уртаклашты. Шулай ук флорист балаларга шарлар тапшырды һәм социаль хезмәтләр алучыларның кәефен күтәрде.