«Тәтеш балкышы» үзәге күпбалалы гаиләләргә профилактик тикшерүләр үткәрә

2023 елның 6 сентябре, чәршәмбе

Тәтеш районында җылыту сезоны башланыр алдыннан янгын куркынычсызлыгы таләпләрен үтәү буенча күпбалалы гаиләләрнең торак биналарын тикшерү эшләре дәвам итә. 5 сентябрьдә «Тәтеш балкышы» халыкка социаль хезмәт күрсәтү комплекслы үзәге белгече янгын сүндерү хезмәте хезмәткәре белән берлектә ведомствоара сәфәр кысаларында Тайба-Тауш, Киртәле, Кадыш, Урюм, Пролей-Каша авылларында яшәүче гаиләләр белән очрашты.

Тикшерү барышында янгын куркынычсызлыгы таләпләрен үтәү кирәклеге турында инструктаж үткәрелде, автоном янгын хәбәрчеләренең эшкә яраклылыгы тикшерелде, батареясы төзек булмаган очракта, аны алыштыру башкарылды.