Буа интернат-йорты «Үзем иҗат итәм» проектын тормышка ашыруны дәвам итә
Кичә Буа интернат-йортының социаль эш буенча белгече Данирә Гыйльфанова Буа муниципаль районы ветераннарының (пенсионерларының) җирле иҗтимагый оешмасы волонтерлары белән берлектә тукыма кисәкләреннән кайнар әйбер тоткыч ясау буенча мастер-класс үткәрделәр. Чара «Татнефть» хәйрия фондының «Яхшылык энергиясе» социаль инициативалар грант конкурсының «Үзем иҗат итәм» проектын тормышка ашыру максатыннан оештырылды.
Бүгенге көндә тегү машиналары артында биш хатын-кыз һәм хәтта ир-атлар да эшли ала. Мәсәлән, Юрий Григорьев «Минем хобби – тукыма кисәкләреннән тегү» түгәрәгендә рәхәтләнеп шөгыльләнә.
Тегү остаханәсе проектта катнашучыларның файдалы вакыт үткәрү, бер-берсенә ярдәм итү урыны булып тора. Социаль хезмәтләр алучыларның кул эшләре белән шөгыльләнү һәм ял итү өчен яңа мөмкинлекләре барлыкка килде.