Алабуга интернат-йортында террорчылыкка каршы ункөнлек башланды
Республикада башланган «Экстремизмга – юк!» ункөнлеге кысаларында Алабуганың өлкәннәр һәм инвалидлар өчен интернат-йортында учреждение хезмәткәрләре белән террорчылыкка каршы куркынычсызлык буенча дәрес узды.
Дәрестә террорчылыкка каршы куркынычсызлык өчен җаваплы директор урынбасары Илназ Миңнебаев һәм хезмәтне саклау буенча белгеч Дмитрий Кузнецов террорчылык куркынычсызлыгы дәрәҗәләре, кораллы һөҗүм вакытында эш итү алгоритмы турында сөйләделәр, куркынычсызлык кагыйдәләренә җентекләп тукталдылар.
Видеода персоналга террорчылык акты янаган очракта үз-үзеңне тоту кагыйдәләрен, халык арасында үз-үзеңне тоту кагыйдәләрен, шикле әйберләргә һәм кешеләргә тап булган очракта эш итүне һ. б. күрсәттеләр.
Шулай ук ункөнлек кысаларында өйрәнүләр, Террорчылыкка каршы көрәштә теләктәшлек көненә багышланган чаралар үткәрү, террорчылыкка һәм экстремизмга каршы юнәлештәге аудио - һәм видеороликлар трансляцияләү, шулай ук уяулыкны арттыру һәм учреждениенең террорчылыкка каршы торуын көчәйтү буенча башка чаралар үткәрү планлаштырыла.